រស់នៅជាមួយក្តីស្រឡាញ់
ពាំនាំសេចក្ដីស្រឡាញ់ទៅក្នុងរាល់សកម្មភាពជីវិតរស់ នៅប្រចាំថ្ងៃ។ ញ៉ាំអាហារ ជាមួយនឹងអំណរអរគុណដល់ អ្នកដែលចម្អិនអាហារ កសិករដែលបានដាំដុះ ដំណាំ និងបន្លែ។ ពេលបើកឡាន ឬជិះម៉ូតូ អំណរអរគុណដល់ ជនរួមជាតិ ដែលគាត់ បើកបរ ប្រកបដោយទំនួលខុសត្រូវ និងការយោគយល់ នៅលើដងផ្លូវ។
អំណរអរគុណដល់ក្រុមហ៊ុន ប្រធានក្រុមហ៊ុន អ្នកគ្រប់គ្រង សម្រាប់កិច្ចខិតខំប្រឹងប្រែង ដើម្បី ទទួលបាននូវភាពរីកចម្រើន និងរក្សាវត្តមានក្រុមហ៊ុននៅក្នុងទីផ្សារ ពីព្រោះវត្តមានរបស់ក្រុមហ៊ុនធ្វើឲ្យ បងប្អូន មានការងារធ្វើ និងមានប្រាក់ចំណូលសម្រាប់ ទ្រទ្រង់ សេដ្ឋកិច្ចគ្រួសារ។
អំណរអរគុណទៅកាន់អតិថិជនតែងតែបានបន្តគាំទ្រដល់កិច្ចការដែលបងប្អូន ធ្វើ រៀងរាល់ថ្ងៃ។ អរគុណក្រុមគ្រួសារដែលគាំទ្រនិងផ្ដល់ក្ដីស្រឡាញ់ មិនមានលក្ខខណ្ឌ រៀងរាល់ថ្ងៃ។ អរគុណដល់លោកគ្រូអ្នកគ្រូ ដែលបន្ត នៅក្នុងការបង្ហាត់បង្រៀន ដល់ កូនចៅជំនាន់ក្រោយ ពីព្រោះ ពួកគាត់គឺជាមរតក និងជាតិទ្រព្យសម្បត្តិដ៏សំខាន់របស់ជាតិ។ អរគុណដល់ ព្រះអាទិត្យ ព្រះចន្ទ និងធម្មជាតិនៅជុំវិញខ្លួន។ ពេល អ្នក ឈានជំហានដើរ ដើរប្រកបដោយក្ដីស្រឡាញ់ និងអំណរសាទរសម្រាប់ខ្លួនឯង ដែលបន្តធ្វើអំពើល្អ អំពើជាកុសល ស្របច្បាប់ មានសុជីវធម៌ ក្រមសីលធម៌វិជ្ជាជីវៈ។ សូមជូនពរបងប្អូន ទទួលបាននូវសេចក្ដីសុខ និងភាពរីកចម្រើនគ្រប់គ្រប់គ្នា 👏