ចំណេះដឹង ដែលមិនមាននៅសាលារៀន
មនុស្សយើងរៀនតាំងពីមត្តេយ្យ អនុបណ្ឌិត ឬក៏ បណ្ឌិត សញ្ញាបត្រអីក៏ដោយជាទូទៅយើងអត់បាន ប្រើប្រាស់ពេលវេលានៅក្នុងការសិក្សា៤ចំណុចសំខាន់ៗ៖ ទី១ ទាក់ទងនឹងការថែទាំសុខភាព។ មានគ្រូពេទ្យម្នាក់នៅសហរដ្ឋអាមេរិក គាត់អាយុហុកសិបឆ្នាំជាងហើយពេលដែលគាត់រៀនកម្មវិធីជាមួយខ្ញុំ គាត់ស្រក់ទឹកភ្នែក ដោយសារតែគាត់បានដឹងនូវការពិត ដែលគាត់មិនដែលបានដឹង។ គាត់សួរសំណួរថា ហេតុអី បានជាគាត់អត់ដឹងការពិតនេះ? នៅពេលដែលគាត់ចូលកម្មវិធីជាមួយពួកខ្ញុំ គាត់អនុវត្ត នូវវិធីសាស្ត្រ ក្នុងការថែទាំសុខភាពតាមបែបសមាហរណកម្ម រវាង វិទ្យាសាស្ដ្រ បូកជាមួយនឹងបែបធម្មជាតិ រួចហើយនៅក្នុងអំឡុងពេលកម្មវិធី រៀងរាល់ថ្ងៃ គាត់អនុវត្តទៅគាត់ឃើញថាមានភាពខុសប្លែកមែនទែន នូវថាមពល កម្លាំងកំហែង និងបញ្ញាស្មារតី របស់គាត់។ អ្នកខ្លះ សូម្បីតែមានអាការៈមួយចំនួន ដូចជាជាតិពលមួយនៅក្នុងខ្លួន ដែលធ្វើឲ្យ ការគិតអត់សូវ ជ្រះស្រឡះ មានមន្ទិល
កង្វះខាត ចំណេះដឹងផ្នែកហិរញ្ញវត្ថុ ចំណេះដឹងផ្នែកហិរញ្ញវត្ថុ គឺសំខាន់ណាស់សម្រាប់យើងគ្រប់គ្នា ទោះបីអ្នកមានលុយច្រើន ឬក៏មិនមានលុយ ហើយនៅពេលដែលអ្នកមិនមានចំណេះដឹងផ្នែកហិរញ្ញវត្ថុ អ្នកដែលមានលុ.យច្រើនអាចបាត់បង់លឿន ហើយអ្នកដែលមិនមានលយ នឹងបន្តមិនមានលុយ។ ដោយសារតែចំណេះដឹងផ្នែកហិរញ្ញវត្ថុ គឺជាចំណែកមួយដ៏សំខាន់ដែលជួយយើង ឲ្យប្រើប្រាស់គំនិតច្នៃប្រឌិតរបស់យើង ប្រើប្រាស់នូវលុយរបស់យើងនៅ ក្នុងការបង្កើតឲ្យមាន នូវការកើនឡើងផ្នែកហិរញ្ញវត្ថុ ដើម្បីបង្កើននូវលំហូរសាច់ប្រាក់របស់យើង។
ជារឿយៗនៅពេលដែលបុគ្គលម្នាក់មិនមានចំណេះដឹងផ្នែកហិរញ្ញវត្ថុ គ្រប់គ្រាន់គាត់តែងតែ ប្រើប្រាស់លុ.យរបស់គាត់ នៅក្នុងខ្ទង់មួយដែលមិនត្រឹមត្រូវ ឬក៏ពេលខ្លះគាត់ពឹងផ្អែកទៅលើអ្នកជំនាញផ្នែកហិរញ្ញវត្ថុខាង ក្រៅដែលគាត់អាចក្លាយទៅជាជនរងគ្រោះនៃការជឿជាក់អ្នកខាងក្រៅ ដោយសារតែគាត់ មិនមានជំនឿជឿជាក់លើខ្លួនឯង ហើយបញ្ហាដែលគាត់មិនមានជំនឿជឿជាក់ គឺដោយសារតែគាត់មិនមានចំណេះដឹងផ្នែកហិរញ្ញវត្ថុ។ ដូច្នេះហើយ ខ្ញុំលើកទឹកចិត្តឲ្យអ្នកសិក្សាស្វែងយល់ អំពីចំណេះដឹងផ្នែកហិរញ្ញវត្ថុឲ្យបានច្រើន ដឹងអំពីលំហូរសាច់ប្រាក់នៅក្នុងក្រុមគ្រួសារ ឬក្រុមហ៊ុនរបស់អ្នក ដឹងពីប្រាក់ចំណូលប្រចាំថ្ងៃ ប្រចាំសប្ដាហ៍ ប្រចាំខែ ប្រចាំឆ្នាំ ដឹងអំពីលំហូរសាច់ប្រាក់ចេញ ខ្ទង់ចំណាយរបស់អ្នកឲ្យបានច្បាស់ តើអ្នកចំណាយទៅលើអ្វីខ្លះ?