មុននឹងអ្នកចាប់ផ្តើមអាជីវកម្ម
*តើខ្ញុំគួរកសុីអ្វី?
អាជីវកម្មល្អ មានផលិតផលលក់ដាច់ ទៅតាមតម្រូវការរបស់អតិថិជន មិនចាំបាច់ធ្វើការផ្សព្វផ្សាយខ្លាំង។ តើបងប្អូនឃើញអ្នកលក់ថ្នាំបំបាត់ការឈឺចាប់ ធ្វើវីដេអូឡាយ លេបសាកល្បងដើម្បីលក់ថ្នាំឲ្យដាច់ដែរឬទេ?
តើបងប្អូនឃើញ អ្នកលក់ថ្នាំ បំបាត់ជំងឺផ្ដាសាយ ធ្វើវីដេអូឡាយ ហើយលេបថ្នាំសាកល្បងដើម្បីលក់ដាច់ដែរឬទេ?
មានបងប្អូនជាច្រើនតែងតែសួរខ្ញុំថា តើខ្ញុំគួរតែចាប់ផ្ដើមអាជីវកម្មប្រភេទអ្វី?
ខ្ញុំលើកទឹកចិត្តឲ្យបងប្អូន សិក្សាស្វែងយល់អំពីចំណង់ចំណូលចិត្តផ្ទាល់ខ្លួន សិក្សាអំពីភាពខ្លាំងផ្ទាល់ខ្លួន បន្ទាប់មកសិក្សាអំពីទំនោរ និងតម្រូវការរបស់សង្គមរយៈពេលវែង។
បងប្អូនត្រូវ ស្វែងយល់ពីភាពខុសប្លែកគ្នារវាងសហគ្រិន និងអ្នកជំនួញ។ សហគ្រិនស្វែងយល់អំពីសេចក្ដីស្រឡាញ់
ចំណង់ចំណូលចិត្តផ្ទាល់ខ្លួន សិក្សាពីបញ្ហា និងតម្រូវការរបស់សង្គម រួចហើយពួកគាត់ប្រើប្រាស់គំនិតច្នៃប្រឌិតដើម្បីបង្កើតផលិតផល ឬសេវាកម្ម ដើម្បីជួយដោះស្រាយបញ្ហាសង្គម ។ ពួកគាត់ត្រូវការគំនិតឆ្នៃប្រឌិតខ្ពស់ និង គំនិតបែបយុទ្ធសាស្រ្តខ្ពស់។
អ្នកជំនួញ រកផលិតផលដែលក្រុមហ៊ុនដទៃ ផលិតស្រាប់ រួចហើយយកមកធ្វើការផ្សព្វផ្សាយ បង្កើតក្រុម ដើម្បីលក់ ។ ហើយបើយើងពិនិត្យមើលទៅក្លាយជាអ្នកជំនួញងាយជាងការក្លាយជាសហគ្រិន ដោយសារមិនសូវត្រូវការគំនិតច្នៃប្រឌិត មិនសូវត្រូវការ បញ្ញាកម្រិតខ្ពស់។ ប្រភេទមួយទៀតដែលបងប្អូនឃើញច្រើនគឺ បណ្ដាញ ឬតំណាងលក់ ពួកគាត់ទទួលយកផលិតផល របស់ក្រុមហ៊ុនដទៃឬ ទទួលយកផលិតផលពីតំណាងចែកចាយធំ ដើម្បីទៅលក់បន្ត។ កិច្ចការនេះល្អសម្រាប់ពួកគាត់ ដោយសារជួយឲ្យពួកគាត់សិក្សារៀនសូត្រពីជីវិតជាក់ស្ដែងទាក់ទងជាមួយនឹងការលក់ វាល្អប្រសើរជាង អ្នកដែលអានសៀវភៅច្រើន រៀនច្រើនទាក់ទងជាមួយនឹងការលក់តែមិនដែលហ៊ានលក់។
