Piseth Kham

មានលុយ១០០០០ដុល្លារគួរវិនិយោគអ្វីដើម្បីចំណេញ? មានបងប្អូនបានសួរខ្ញុំថា លោកគ្រូ ខ្ញុំ មានលុយប្រហែល មួយម៉ឺនដុល្លារ តើខ្ញុំគួរគប្បីវិនិយោគលើអ្វីដើម្បីបានចំណេញ?​ ខ្ញុំតែងតែផ្តល់នូវយោបល់ដដែលៗសម្រាប់បងប្អូន គឺចាប់ផ្តើមវិនិយោគជាមួយខ្លួនឯង ។​ ពោលគឺ សិក្សារៀនសូត្រចំណេះដឹងផ្នែកហិរញ្ញវត្ថុ ជំនាញការគ្រប់គ្រងលុយ (ដឹងខ្ទង់ចំណូលចំណាយជាក់លាក់) បន្ទាប់មកទៀតបងប្អូនចាប់ផ្តើមធ្វើការសិក្សា អំពីប្រភេទទ្រព្យឬក៏ ប្រភេទវិនិយោគដែលបងប្អូនចង់ ធ្វើវិនិយោគ។ បងប្អូនគប្បីចាប់ផ្តើមអនុវត្ត ដោយប្រើប្រាស់ CashFlow Board Game ដែលអនុញ្ញាតឲ្យបងប្អូនអនុវត្តវិនិយោគ ប្រភេទទ្រព្យ ផ្សេងៗ ។ ឧទាហរណ៍ដូចជាអចលនទ្រព្យ ទីផ្សារភាគហ៊ុន ការចាប់ផ្តើមអាជីវកម្មដោយប្រើប្រាស់លុយ ក្រដាស (សម្រាប់ ល្បែង CashFlow) ។ វាជាវិធីសាស្ត្រមួយដ៏ល្អដែលបងប្អូនអាចទទួលបាននូវបទពិសោធន៍ មុនពេលទៅអនុវត្តក្នុងជីវិតជាក់ស្តែង។ ករណីបងប្អូន

កង្វះខាត ចំណេះដឹងផ្នែកហិរញ្ញវត្ថុ ចំណេះដឹងផ្នែកហិរញ្ញវត្ថុ គឺសំខាន់ណាស់សម្រាប់យើងគ្រប់គ្នា ទោះបីអ្នកមានលុយច្រើន ឬក៏មិនមានលុយ ហើយនៅពេលដែលអ្នកមិនមានចំណេះដឹងផ្នែកហិរញ្ញវត្ថុ អ្នកដែលមានលុ.យច្រើនអាចបាត់បង់លឿន ហើយអ្នកដែលមិនមានលយ នឹងបន្តមិនមានលុយ។ ដោយសារតែចំណេះដឹងផ្នែកហិរញ្ញវត្ថុ គឺជាចំណែកមួយដ៏សំខាន់ដែលជួយយើង ឲ្យប្រើប្រាស់គំនិតច្នៃប្រឌិតរបស់យើង ប្រើប្រាស់នូវលុយរបស់យើងនៅ ក្នុងការបង្កើតឲ្យមាន នូវការកើនឡើងផ្នែកហិរញ្ញវត្ថុ ដើម្បីបង្កើននូវលំហូរសាច់ប្រាក់របស់យើង។ ជារឿយៗនៅពេលដែលបុគ្គលម្នាក់មិនមានចំណេះដឹងផ្នែកហិរញ្ញវត្ថុ គ្រប់គ្រាន់គាត់តែងតែ ប្រើប្រាស់លុ.យរបស់គាត់ នៅក្នុងខ្ទង់មួយដែលមិនត្រឹមត្រូវ ឬក៏ពេលខ្លះគាត់ពឹងផ្អែកទៅលើអ្នកជំនាញផ្នែកហិរញ្ញវត្ថុខាង​ ក្រៅដែលគាត់អាចក្លាយទៅជាជនរងគ្រោះនៃការជឿជាក់អ្នកខាងក្រៅ ដោយសារតែគាត់ មិនមានជំនឿជឿជាក់លើខ្លួនឯង ហើយបញ្ហាដែលគាត់មិនមានជំនឿជឿជាក់ គឺដោយសារតែគាត់មិនមានចំណេះដឹងផ្នែកហិរញ្ញវត្ថុ។ ដូច្នេះហើយ ខ្ញុំលើកទឹកចិត្តឲ្យអ្នកសិក្សាស្វែងយល់ អំពីចំណេះដឹងផ្នែកហិរញ្ញវត្ថុឲ្យបានច្រើន ដឹងអំពីលំហូរសាច់ប្រាក់នៅក្នុងក្រុមគ្រួសារ ឬក្រុមហ៊ុនរបស់អ្នក ដឹងពីប្រាក់ចំណូលប្រចាំថ្ងៃ ប្រចាំសប្ដាហ៍ ប្រចាំខែ ប្រចាំឆ្នាំ ដឹងអំពីលំហូរសាច់ប្រាក់ចេញ ខ្ទង់ចំណាយរបស់អ្នកឲ្យបានច្បាស់ តើអ្នកចំណាយទៅលើអ្វីខ្លះ?